坐船遊漓江最好季節是由四月份至十月，因漓江水位上漲，可以由桂林郊區一路坐船直落陽朔，入秋至冬季因部分地區水位底，大船行不到，要遊縮水版漓江，今次由陽朔坐差不多40分鐘車程到達小村鎮興坪上船，開到出面江中心打個白鴿轉就回程去第二個景點，就話算係遊過漓江。所以閣下如果第一次跟團遊桂林，選好季節，看清楚單張是不是遊全程，免得比單張誤導遊了縮水版。
記憶80年代遊漓江情況，內地觀光客收約二十人記，外賓收約九十元，每天早上在桂林象鼻山腳碼頭上船，一排排觀光船一隻跟一隻開到去陽朔西街出面的碼頭落船，約遊四五小時船河，後去陽朔月亮山，大榕樹那邊觀光，冬天就由郊區陽提上船。
經過幾十年變化，一個小鄉鎭處處起了新房子.（興坪）
............................................
HAVE A NICE DAY......................................
我第1次去桂林係坐船遊漓江, 第2次去陽朔係徒步漓江, 一樣都係咁正!!
回覆刪除[版主回覆02/15/2012 10:49:32]係呀，遲D會變成靈長類動物。
[路過蜻蜓回覆02/14/2012 21:04:13]住過兩年，咁你應該吸收咗好多山水靈氣喇！
[版主回覆02/14/2012 18:24:00]所以在不同季節去感覺都不同，在桂林住了二年，都遊過江十幾次。
漓江是到桂林必遊的，如錯過了等於沒有去過桂林。
回覆刪除[版主回覆02/15/2012 10:45:36]等於影相佬去朝聖。
影得好靚！似夢迷離...
回覆刪除係霧定係 effect 呢？
[版主回覆02/15/2012 10:44:18]係细雨和霧，只不過後期执相時加柔光効果等他化出來。
我中學畢業後第一次去桂林，住民宿、跟住地圖徒步往返景點、參加LOCAL TOUR遊漓江，影咗好多相。
回覆刪除十多年後，第二次遊桂林，跟團，一樣遊漓江，但係每個景點逗留數分鐘，影唔到相......：(
好在去到柳州適逄結霜，影了一些有趣的照片............
今年打算三度遊桂林，希望可以慢吞細嚼................
[版主回覆02/15/2012 15:23:31]識好多朋友初初去旅遊，多數首選都是去桂林先，想都是不用花費太多而又睇到靚風景。而且幾天假期就掂。
有沒有看張藝謀的＜漓江印象＞大型歌舞?
回覆刪除[版主回覆02/18/2012 13:02:18]冇呀，同胞放春節假期休息。